Lirik Lagu "BUE-BUE 1"

Lirik Lagu "BUE-BUE 1"
C : Nasir R
V : Nurhayati Ray

Modom.........
modom maho da anakku
modom marulak ulak kho
amang di anggunannmi.....
mo...dom uuu....haholongan....

Bue bue maho ale amang
simbur magodang maho
di anggunan
huparorot tondimu natogu
sinok modom maho da anakku

Wewawe sipulut di Angkola
magodang maho amang
anso kehe sikola

Indu indadon
ubat ni si barebe
anggodung saulakon
mambuat boru napade

o anakku sinuan tunasku
modom madaho amang burju-burju
anggo ayahmu madung do iya kehe
mambuat boru marale-ale

Wewawe sipulut Mandailing
ho maia amang donganku natading
indu indadon bulung pareme-eme
hudoahon ho amang aso tarjomak sere

Hatcit naon baya da anakku
dipaninggalkon ni da ayahmu
modom maho amang ubat bi rohakku
paet manian lalu tu mudarmu

Wewawe sipulut Padang Bolak
malo maho amang markoum tu halak
indu indadon batang namarumbakon
ho maia amang pature au saulakon

Dangol naon ale baya amang
diau on nadi tinggalkon on
muda uttung ni pege nalambang
dohot sirape ra do burburon

Wewawe sipulut Batang Natal
malo maho amang marbisuk marakal
indu indadon soban nisi pardahan
mudah-mudahan mandapot rahmat ni Tuhan

Bue-bue maho ale amang
simbur magodang maho di anggunan
huparorot tondimu na togu
sinok modom maho da anakku

Sumber : CD Koleksi. Selamat Siang...!
_____________________________________________________________
Sejak diposting sampai 29 Agustus 2012 dilihat 30 kali